Մեծարգո
պարոն Նախագահ, ինչպես գիտեք, Հայաստանի
Հանրապետությանը գազի մատակարարումը և գազային կոմունիկացիաները
վերահսկում է
Ռուսաստանում ստեղծված և գործող <<Գազպրոմ>> ընկերությունը,
որն իր
գործունեությունն Հայաստանի Հանրապետությունում իրականացնում է
<<Հայռուսգազարդ>>
ընկերության միջոցով: Սույն Ընկերության որոշմամբ 2010 թ. ապրիլի մեկից
Հայաստան
ներմուծվող գազի սակագները կթանկացվեն 17%-ով, ինչի հետևանքով գազը
շարքային
սպառողների համար թանկանում է մոտ 40%-ով: Պարոն
Նախագահ, Հայաստանի Հանրապետության շարքային քաղաքացիները
<<Ռուսգազպրոմի>> տնտեսական քաղաքականությունը ընկալում են
որպես
Ռուսաստանի Դաշնության պետական քաղաքականություն, ինչի հետևանքով
բնակչության,
հատկապես անապահով խավերի մոտ առաջանում է հակառուսական տրամադրություն:
Վիրավորվածությունն առավել մեծ է քանզի հարվածն ստանում են եղբայրական
Ռուսաստանից:
Պարոն
Նախագահ, մտահոգ լինելով հայ-ռուսական դարավոր եղբայրությամբ, որն իր
արտահհայտությունն է գտել նաև երկու ժողովուրդների
առասպելաբանություններում` մասնավորապես
Սվյատագորի և Իլյա Մուրոմեցի Տիեզերական եղբայրության հաստատումով, անցել
ժամանակի
փորձությունն ու ամրապնդվել մեր ժողովուրդների համատեղ պայքարով և թափած
արյամբ,
համոզված լինելով, որ մեր ժողովուրդների միջև բարեկամական ոգու պահպանումը
մտահոգում է նաև Ձեզ ` դիմում ենք Ձեզ, ցանկանալով Ձեր ուշադրությունն
հրավիրել
Ռուսաստանի Դաշնությունում գործող Ընկերության սխալ քաղաքականության վրա,
որն իր
նյութական շահերի համար կասկածի տակ է դնում Հայ և Ռուս ժողովուրդների
միջև
բարեկամական զգացումների անկեղծությունը, առավել ևս, որ նրա այդ
քաղաքականությունից օգտվել ցանկացողներն ու մեր եղբայրության մեջ սեպ
խրելու
ձգտում ունեցողները շատ են: Սա կարող է հանրության մոտ առաջ բերել հակառուսական տրամադրություններ, ինչը չի բխում մեր ժողովուրդների շահերից: Այն հղի է հեռանկարային խնդիրներով: Պարոն նախագահ մենք ապրել ենք ավելի ծանր պայմաններում`սակայն կասկածի
տակ չենք առել մեր բարեկամությունը, հիմա վտանգվում է հենց բարեկամությունը: Վստահ
ենք, որ
տնտեսապես հզոր
Հայաստանը կարող է առավել
կայուն գործընկեր
լինել Ռուսաստանի
Դաշնության
համար տարածաշրջանում:
Հարգանքներով`
Հայաստանի
Ազգային նոր պահպանողական շարժման
Կենտրոնական
Կոմիտե
|