Ազգային նոր պահպանողական շարժումը Հայաստանում ՄԱԿ – ի ներկայացուցչության առջև կազմակերպեց բողոքի ցույց` ի պաշտպանություն Ջավախահայության: Այսօր ոչ միայն հայաստանյան իշխանություններն, այլև միջազգային հանրությունը պիտի իր բողոքի ձայնը բարձրացնի` կանխելու Վրաստանի սահմանապահների կողմից հայ ազգաբնակչության հանդեպ նվաստացուցիչ քայլերով իրականացվող մարդու իրավունքների զանգվածային ոտնահարումները, մասնավորապես` Հայաստան – Վրաստան սահմանագծի վրա հայալեզու գիրք – գրականություն, մամուլ ու պարբերական ամսագրեր Ջավախք հասցնելու արգելքը: Ելույթներով հանդես եկան Ազգային նոր պահպանողական շարժման առաջնորդ Էդուարդ Ափրամյանը, փոխնախագահ Մանվել Կոստանդյանը: Այս խնդրով ՄԱԿ – ի ներկայացուցչությանը փոխանցվեց նամակ: ՄԱԿ – ի Հայաստանյան Ներկայացուցչությունը ընդունեց Ազգային նոր պահպանողական շարժման առաջնորդին և հայտնեց իր աջակցությունը խնդրի շուտափույթ լուծման գործում` նշելով , որ այս մասին կծանուցի նաև ՄԱԿ ի կենտրոնական կոմիտեին և Գլխավոր քարտուղարին:
Ազգային նոր պահպանողական շարժումը Հայաստանում ՄԱԿ – ի ներկայացուցչության առջև կազմակերպեց բողոքի ցույց` ի պաշտպանություն Ջավախահայության: 
