Մայիսի 15-ին Ազգային Նոր  Պահպանողական Շարժման նախագահ Էդգար Հելհելյանը հանդիպել է ՀՀ ԿԳ նախարար Արմեն Աշոտյանի հետ: Հանդիպման ընթացքում քննարկվել են կրթական ոլորտի մի շարք խնդիրներ. Մասնավորապես` կապված հետբուհական համակարգում տարկետման իրավունքով տեղերի կրճատման, օտարալեզու դպրոցների բացման, Ջավախքում բարձրագույն ուսումնական հաստատության բացման հետ: Է. Հելհելյանը նախարարին է ներկայացրել նոր պահպանողականների մտահոգությունները կրթական բարեփոխումներում առկա մի շարք ռիսկերի վերաբերյալ: Հանդիպման ընթացքում  նախարար Աշոտյանը պատրաստակամություն է հայտնել հանդիպել ուսանողների հետ և փարատել նախատեսվող փոփոխությունների հետ կապված մտահոգությունները: Առաջիկա օրերին Ազգային նոր պահպանողական շարժումը կկազմակերպի փոփոխությունների հետ կապված մտահոգություններ ունեցող ուսանողների հանդիպումը Ա.Աշոտյանի հետ: